下一主題 ›› 返回列表 ‹‹ 上一主題 發帖
Share to Facebook Share to Twitter Google

(新報)林欣彤家中種草唔種花

林欣彤(Mag)昨日現身將軍澳的「夏日綠藝Cargo Cafe」揭幕禮,平時有種開小盆栽的阿Mag自言在家中有Keep住種草,不過就不會種花類植物:「因為有啲花好難養,我都唔想睇到啲花凋謝嘅情況。我之前都有收過同送過盆栽畀Fans。」《超級巨聲》出身嘅阿Mag直言有留意以TVB藝人為參賽者的歌唱比賽《星夢傳奇》:「我有睇呀,佢哋已經好努力,我都知喺台上好大壓力。(知唔知TVB將啲插藝員嘅差評全部刪晒?)我唔知有呢樣嘢,不過之後可以通過好多媒介睇返留言,其實唔需要太怕負面嘅批評,因為想進步就需要知道。」
而在以往嘅《超級巨聲》當中,都會設有PK嘅環節,問到阿Mag今次會否有份到《星夢》PK,阿Mag即笑言:「我唔知呀,不過如果有我會好開心。(怕唔怕畀啲前輩嚇窒你?)哈哈,唔會,我都見過佢哋,佢哋都好Nice。」另外,阿Mag近日亦忙於錄新碟,恢復狀態嘅阿Mag謂自己已經錄到一半:「家比以前都容易攰,不過已經好過之前,信心、感覺同進度都好咗。」

下一主題 ›› 返回列表 ‹‹ 上一主題